جاپان کے قومی نشریاتی ادارے  NHK کی بین الاقوامی ریڈیو نشریات کے اردو سروس کے عملے کی جانب سے ، اس سال بھی بین الاقوامی نشریات کے شعبے کے لیے افطار پارٹی کا اہتمام کیا گیا ۔ جمعرات 25 اگست سنہ 2011 کو منعقد کی گئی اس افطار پارٹی کی تیاریاں ، اردو نشریات کے پاکستانی اور جاپانی عملے نے انجام دیں ۔

  NHK کی بین الاقوامی ریڈیو نشریات  18 زبانوں میں ہوتی ہیں ، جن میں اردو بھی شامل ہے ۔ یہ نشریات شارٹ ویو پر پاکستان، ہندوستان ، اور افغانستان کے کچھ علاقوں میں سنی جا سکتی ہیں ۔ تاہم، اب یہ  انٹرنیٹ کے ذریعے ، دنیا بھر کے کسی بھی مقام سے 24 گھنٹے سنی جا سکتی ہیں ۔